ប្រការ៧យ៉ាង ដែលលោកអ្នកគួរដឹងអំពីរឿងហុងស៊ុយក្នុងគេហដ្ឋាន
ប្រការ៧យ៉ាង ដែលលោកអ្នកគួរដឹងអំពីរឿងហុងស៊ុយក្នុងគេហដ្ឋាន
មានមនុស្សជាច្រើនបានជឿទៅលើហុងស៊ុយ ក្នុងបំណងដើម្បីមានប្រភពថាមពលល្អ ការបំពេញបន្ថែម និងនាំសំណាងល្អមកដល់ខ្លួន។ ហុងស៊ុយនៅក្នុងជីវិត និងការងារកំពុងក្លាយជាវត្ថុបំណងដ៏សំខាន់ដែលត្រូវបានមនុស្សជាច្រើនមានជំនឿត្រូវការ។ ប្រសិនបើចេះពីរបៀបប្រើហុងស៊ុយល្អ ម្ចាស់នឹងទទួលបានប្រភពថាមពលបំពេញបន្ថែមល្អ។ ប៉ុន្តែ ក៏មានការងារដែលមិនសមស្របជាមួយហុងស៊ុយ ដែលធ្វើឲ្យមិនទទួលបានប្រភពថាមពលមានប្រយោជន៍ដែរ។ ខាងក្រោមនេះ គឺជាបញ្ហា៧យ៉ាងដែលត្រូវបញ្ចៀសនៅក្នុងរឿងហុងស៊ុយ៖
២. ទុកច្រករបៀងឲ្យងងឹត និងទ្វារចេញចូលមិនរស់រវើក៖ កំហុសមួយដែលគួរឲ្យចាប់អារម្មណ៍ពីការតុបតែងផ្ទះនោះគឺការទុកច្រករបៀងឲ្យងងឹត មិនមានអំពូលភ្លើងបំភ្លឺជាមួយការដែលម្ចាស់ផ្ទះទុកឲ្យទ្វារចេញចូលខ្វះពន្លឺ ឬខ្វះពណ៌ស្រស់ និងភាពរស់រវើក។ ទ្វារផ្ទះពោរពេញដោយពន្លឺ និងរស់រវើកនឹងជួយឲ្យផ្ទះទាក់ទាញបានប្រភពថាមពលល្អនាំមកនូវសុភមង្គល សេចក្តីសប្បាយរីករាយដល់សមាជិកនៅក្នុងគ្រួសារ និងភ្ញៀវមកលេងផ្ទះ។ បន្ថែមពីលើនោះ ចូរដំឡើងប្រព័ន្ធពន្លឺឲ្យបានគ្រប់គ្រាន់ តុបតែងរូបគំនូរសិល្បៈ ដាក់ថូផ្កា។ល។ ដើម្បីឲ្យច្រករបៀងមានពណ៌ស្រស់ខ្ចីគួរឲ្យស្រឡាញ់។
៣. ការដាក់ទូរទស្សន៍នៅក្នុងបន្ទប់ដេក៖ នេះជាកំហុសដ៏ធ្ងន់ធ្ងរមួយ ប្រសិនបើគ្រួសារអ្នកកំពុងដាក់ទូរទស្សន៍នៅក្នុងបន្ទប់គេងនោះត្រូវបានចាត់ទុកជាជនសម្លាប់គ្រប់ទំនាក់ទំនងប្តីប្រពន្ធយ៉ាងស្ងៀមស្ងាត់។ ទូរទស្សន៍ ឧបករណ៍ អេឡិចត្រូនិក ឬម៉ាស៊ីនលេងហ្គេម គឺជាវត្ថុដែលធ្វើឲ្យប្តីប្រពន្ធងាយឃ្លាតចេញពីគ្នានៅក្នុងបន្ទប់គេងរបស់អ្នក។ ចូរចងចាំថាបន្ទប់ដេកគឺជាលំហឯកជនសម្រាប់សម្រាកលំហែពោរពេញដោយមនោសញ្ចេតនារបស់មនុស្សម្នាក់ៗ និងគ្រប់គូស្វាមីភរិយា។ អាស្រ័យហេតុនេះ ចូរកែប្រែធ្វើឲ្យល្អដើម្បីឲ្យបន្ទប់គេងមិនត្រូវរងឥទ្ធិពល ដោយសាររបស់ប្រើប្រាស់ផ្សេងៗ។
៤. ការទុកឲ្យប្រព័ន្ធបំពង់ទឹកធ្លុះធ្លាយ៖ ថ្វីត្បិតមានមនុស្សតិចតួចណាស់ដែលចាត់ទុកថាសំខាន់ និងយកចិត្តទុកដាក់ ប៉ុន្តែការទុកឲ្យប្រព័ន្ធបំពង់ទឹកក្នុងផ្ទះរបស់អ្នកធ្លុះធ្លាយ ដោយមិនជួសជុលភ្លាមៗ មានន័យថា សមត្ថភាពហិរញ្ញវត្ថុ ថាមពលបុគ្គល និងសុខភាពរបស់ម្ចាស់កំពុងមានបញ្ហា។ ប្រសិនបើម្ចាស់ផ្ទះមិនមានបទពិសោធន៍នោះ ចូរហៅក្រុមជាងឲ្យមកជួសជុលកាន់តែឆាប់កាន់តែល្អ។ ទោះបីវាជាបញ្ហាមួយតូច ប៉ុន្តែការទុកយូរៗទៅនឹងមានឥទ្ធិពលទៅដល់គុណភាពជីវិតរបស់គ្រួសារអ្នក និងធ្វើឲ្យខ្ចាត់ខ្ចាយប្រភពឧស្ម័នសកម្មរបស់ផ្ទះ។ ៥. ការដាក់តាំងរូបគំនូរមិនសមស្រប៖ ប្រសិនបើម្ចាស់ផ្ទះជាមនុស្សចូលចិត្តគំរូសិល្បៈដែលពាក់ព័ន្ធដល់សង្គ្រាម សាសនា វត្ថុបុរាណចម្លែកៗនោះ ចូរព្យួរវានៅក្នុងបន្ទប់មួយដាច់ដោយឡែក ដោយសារវាមានឥទ្ធិពលយ៉ាងធំទៅដល់ចិត្តសាស្ត្ររបស់សមាជិកដែលនៅសល់របស់គ្រួសារ និងភ្ញៀវមកលេងផ្ទះ។ នៅក្នុងបន្ទប់ទទួលភ្ញៀវ បន្ទប់គេង បន្ទប់ក្មេង អ្នកគួរព្យួររូបភាពរស់រវើក មានពណ៌ចម្រុះស្រស់ និងគួរឲ្យស្រឡាញ់ ដើម្បីនាំមកនូវអារម្មណ៍ស្វាគមន៍ កក់ក្តៅ និងរីករាយដល់មនុស្សគ្រប់គ្នា។
៦. ការដាក់គ្រែធំពីរឈមគ្នា៖ នៅក្នុងហុងស៊ុយ ការដាក់គ្រែពីរផ្ទុយគ្នានៅជាប់ជញ្ជាំងទាំងសងខាង គឺជារឿងអាក្រក់បំផុត។ ដោយសារពេលនោះ តំបន់ចន្លោះនៅកណ្តាលគ្រែទាំងពីរនឹងជាប្រភពថាមពលឆ្លុះបញ្ចាំង និងទល់មុខគ្នា ដែលធ្វើឲ្យម្ចាស់ និងសាច់ញាតិជួបប្រភពឧស្ម័នមិនមានប្រយោជន៍។ ផ្ទុយទៅវិញ ម្ចាស់ផ្ទះអាចដាក់ថូផ្កាតូចដ៏ស្រស់ស្អាត ឬកែវចិញ្ចឹមត្រី ដើម្បីធ្វើឲ្យល្អដល់ម្ចាស់ផ្ទះ ដោយមិននៅធ្វើឲ្យចន្លោះនោះកាន់តែអាក្រក់ និងគ្មានអំណោយផល។
៧. ការទុករុក្ខជាតិងាប់នៅក្នុងផ្ទះ ឬរានហាល៖ ប្រសិនបើមិនចង់ឲ្យមនុស្សផ្សេងយល់ថាប្រភពឧស្ម័ននៅក្នុងផ្ទះរបស់អ្នកកំពុងស្វិតស្រពោន និងងាប់សន្សឹមៗនោះ អ្នកមិនត្រូវដាក់រុក្ខជាតិ និងថូផ្កាដែលស្វិតស្រពោន និងងាប់បណ្តើរៗនៅក្នុងផ្ទះ ឬរានហាលឡើយ។ ប្រការដែលត្រូវយកចិត្តទុកដាក់ជាមូលដ្ឋានបំផុតរបស់ម្ចាស់ផ្ទះ គឺបង្កើតឲ្យផ្ទះមានសម្រស់ ពោរពេញដោយថាមពលរស់ និងស្រស់ថ្មី។ អាស្រ័យហេតុនោះ ចូរយកចិត្តទុកដាក់ដល់ពូជរុក្ខជាតិដែលដាំនៅក្នុងផ្ទះ។ ត្រូវថែទាំវាឲ្យល្អ ដោយការលាងសម្អាតធូលីដី ប្តូរទឹក និងប្តូរផ្កាឲ្យបានទៀតទាត់។ ចូរទុកផ្កា និងរុក្ខជាតិ ដែលមានថាមពលរស់ ស្រស់ថ្មី និងរស់រវើកឲ្យបានត្រឹមត្រូវអត្ថន័យរបស់វា៕ (ប្រភព៖ cen.com)
អត្ថបទដោយ៖ ឈួន ល័ក្ខ
កែសម្រួលដោយ៖ មត សុមឿន
Comments
Post a Comment