ការបង្កើតអាជីវកម្មត្រូវមានធាតុសំខាន់អ្វីខ្លះ?

តើលោកអ្នកមានគំនិតចង់បង្កើតមុខរបររកស៊ី ឬបើកអាជីវកម្មដោយខ្លួនឯងទេ? គេតែងនិយាយថាបើអ្នកធ្វើឲ្យគេ(បុគ្គលិកស៊ីប្រាក់ខែ) នោះអ្នកនឹងទទួលបានប្រាក់ខែ ប៉ុន្តែបើអ្នកបើកអាជីវកម្មខ្លួនឯង(Business) នោះអ្នកនឹងទទួលបានទាំងប្រាក់ខែ ទាំងទ្រព្យនៃអាជីវកម្មទាំងមូល(ក្រុមហ៊ុន…) និងមានទាំងមុខរបរខ្លួនឯងទៀត។ ដូច្នេះ តើអ្នកគួរធ្វើការឲ្យគេដើម្បីតែប្រាក់ខែ ឬដើម្បីមានមុខរបរខ្លួនឯងពិតប្រាកដ? បើអ្នកចង់មានអាជីវកម្មខ្លួនឯង អ្នកគួរតែពិចារណាអំពីធាតុដ៏សំខាន់នៃអាជីវកម្មទាំង៥ដូចខាងក្រោមនេះឲ្យបានត្រឹមត្រូវ៖

១. គំនិតអាជីវកម្ម (Business Concept)៖ អ្នកគួរគិតឲ្យបានច្បាស់លាស់អំពីអាជីវកម្មដែលនឹងត្រូវដំណើរការនោះ ពោលគឺត្រូវគិតអំពីផលិតផលរបស់ខ្លួន និងទីផ្សារដែលនឹងត្រូវបម្រើ។ អ្នកត្រូវគិតថាតើត្រូវមានផលិតផលអ្វីយកទៅលក់ ត្រូវលក់ឲ្យអ្នកណា មូលហេតុអ្វី ហើយធ្វើយ៉ាងណាទើបមានការប្រកួតប្រជែងក្នុងទីផ្សារខ្ពស់។

២. លក្ខណៈពិសេសផ្នែកហិរញ្ញវត្ថុ (Financial Features)៖ អ្នកគួរតែគូសបញ្ជាក់ឲ្យបានច្បាស់លាស់អំពីចំណុចហិរញ្ញវត្ថុដ៏សំខាន់នៃអាជីវកម្ម រួមមាន ការលក់ ប្រាក់ចំណេញ លំហូរសាច់ប្រាក់ និងការចំណាយត្រឡប់ទៅវិញលើការវិនិយោគ។

៣. តម្រូវការហិរញ្ញវត្ថុ (Financial Requirements)៖ អ្នកគួរតែកំណត់ឲ្យបានច្បាស់ណាស់អំពីបញ្ហាដើមទុនដែលត្រូវការដើម្បីចាប់ផ្តើមអាជីវកម្ម និងពង្រីកវា។ អ្នកគួរតែរៀបរាប់លម្អិតអំពីរបៀបចាត់ចែងដើមទុនដែលត្រូវប្រើប្រាស់ និងមានសមធម៌ទៅតាមផ្នែកដែលត្រូវផ្ដល់ឲ្យសម្រាប់ការចំណាយ។
៤. ស្ថានភាពអាជីវកម្មបច្ចុប្បន្ន (Current Business Position)៖ អ្នកត្រូវមានព័ត៌មានបញ្ជាក់អំពីក្រុមហ៊ុន សំណុំបែបបទស្របច្បាប់របស់ខ្លួនក្នុងប្រតិបត្ដិការ កាលបរិច្ឆេទនៃការបង្កើតក្រុមហ៊ុន ម្ចាស់ដើមទុនសំខាន់ៗ និងបុគ្គលិកសំខាន់ៗ។
៤. សមិទ្ធផលដ៏សំខាន់ៗ (Major Achievements)៖ លម្អិតពីការអភិវឌ្ឍណាមួយនៅក្នុងក្រុមហ៊ុនដែលមានសារៈសំខាន់ក្នុងការទទួលបានភាពជោគជ័យនៃអាជីវកម្មនេះ។ ក្នុងនោះអ្នកគួរបញ្ជាក់ពីសមិទ្ធផលដ៏សំខាន់មួយចំនួន រួមមាន ប៉ាតង់(បណ្ណអាជីវកម្ម) គំរូ ទីតាំងនៃក្រុមហ៊ុន កិច្ចសន្យាសំខានៗដែលត្រូវមានសម្រាប់ការអភិវឌ្ឍផលិតផល ឬលទ្ធផលពីការធ្វើតេស្តទីផ្សារណាមួយដែលត្រូវបានធ្វើឡើង៕ (ប្រភព៖ entrepreneur.com)
ប្រែសម្រួលដោយ៖ មត សុមឿន

Search This Blog

Mut Somoeun (Mongkol)