ទម្លាប់៥យ៉ាងដែលអ្នកគួរចៀសវាងនៅកន្លែងការងារ

ពេញមួយឆ្នាំលទ្ធផលការងាររបស់អ្នកអាចឆ្លើយតបទៅនឹងគោលដៅរបស់អ្នក ប៉ុន្តែក៏អាចមានបញ្ហាមួយចំនួនកើតមានទន្ទឹមនឹងគ្នានេះ។ អ្នកអាចប្រឹងប្រែងធ្វើការបំផុតអស់ពីកម្លាំងកាយចិត្ត សឹងតែគ្មានពេលសម្រាកដើម្បីទទួលទានអាហារ ឬធ្វើសកម្មភាពផ្សេងៗទៀតនៅខាងក្រៅកន្លែងការងារ មិនខ្វាយខ្វល់ពីមនុស្សនៅជុំវិញខ្លួន ចូលចិត្តធ្វើអ្វីៗដោយតែឯងជាដើម។ សាកគិតទៅមើលថា តើទង្វើនេះជាទម្លាប់មួយដ៏ត្រឹមត្រូវដែរឬទេ? ចង់ដឹងចម្លើយដ៏ពិតប្រាកដ ចូរមើលទម្លាប់ទាំង៥យ៉ាងខាងក្រោមនេះ ៖

១) អង្គុយពេញមួយថ្ងៃ៖ ការងារបានធ្វើឲ្យអ្នកអង្គុយធ្វើការពេញមួយថ្ងៃ ហើយនេះបានក្លាយជាទម្លាប់មួយរបស់អ្នក។ យ៉ាងណាមិញមានផលប៉ះពាល់ច្រើនណាស់ដល់សុខភាពពីទម្លាប់អង្គុយច្រើនម៉ោង ដូចជាឈឺឆ្អឹងខ្នង ឡើងទម្ងន់ ជំងឺបេះដូង ជំងឺមហារីក និងជំងឺទឹកនោមផ្អែម។ ទន្ទឹមនឹងនេះការសិក្សាស្រាវជ្រាវថ្មីៗក៏បានបង្ហាញផងដែរថា ការហាត់ប្រាណក៏មិនអាចទប់ស្កាត់ផលប៉ះពាល់ដែលកើតចេញពីការអង្គុយច្រើនម៉ោងបានដែរ។ ហេតុដូច្នេះបើអ្នកអង្គុយធ្វើការ ចូរឧស្សាហ៍ងើបដើរ៤ ឬ៥នាទីជារៀងរាល់ ១ម៉ោងម្តងដើម្បីធ្វើចលនាខ្លួនប្រាណរបស់អ្នកកុំឲ្យស្ពឹកស្រពន់ និងធ្វើឲ្យចលនាឈាមក្នុងខ្លួនរត់បានស្រួល។

២) អង្គុយធ្វើការតែម្នាក់ឯង៖ ភាពឯកោត្រូវបានគេរកឃើញថាមិនត្រឹមតែប៉ះពាល់ដល់សុខភាពផ្លូវចិត្តប៉ុណ្ណោះទេ ប៉ុន្តែថែមទាំងបង្កឲ្យមានជំងឺ និងឆាប់ស្លាប់ទៀតផង ខណៈដែលអ្នកដែលមានទំនាក់ទំនងរឹងមាំជាមួយមនុស្សជុំវិញខ្លួនអាចមានភាគរយខ្ពស់ក្នុងការរស់នៅវែងជាងរហូតដល់៥០% ។ នេះមិនទាន់គ្រប់គ្រាន់ទេ ពោលគឺភាពឯកោនឹងបង្កឲ្យកើតមានជំងឺរលាកផ្សេងៗ ជំងឺបេះដូង និងជំងឺរ៉ាំរ៉ៃដទៃទៀត។ ជម្រើសដ៏ល្អ គួរបង្កើនទំនាក់ទំនងរបស់អ្នកឲ្យបានច្រើន និងចូលរួមធ្វើការជាក្រុមជាទៀងទាត់ ដើម្បីជោគជ័យទាំងការងារ និងសុខភាពរបស់អ្នក។

៣) ទទួលទានអាហារគ្មានរបៀបរៀបរយពេលកំពុងធ្វើការ៖ ការទទួលទានអាហារគ្មានរបៀបរៀបរយជាពិសេសអាហារសម្រន់នៅកន្លែងធ្វើការ គឺជាទម្លាប់មិនល្អមួយប៉ះពាល់សុខភាព ហើយទម្លាប់នេះភាគច្រើនកើតមានចំពោះអ្នកកើតជំងឺស្រ្តេស។ ការស្រាវជ្រាវបានបង្ហាញថាការទទួលទានអាហារ៣ពេលបានត្រឹមត្រូវគឺគ្រប់គ្រាន់ណាស់ទៅហើយដល់សុខភាព។ យ៉ាងណាមិញនៅពេលដែលអ្នកទទួលទានអាហារដោយមិនរើសមុខ មានពេលណាញាំពេលហ្នឹងនឹងអាចប៉ះពាល់ដល់ប្រព័ន្ធរំលាយអាហារ ដូចជា ចុកពោះ ហើមពោះ និងទល់លាមកជាដើម ត្បិតអីប្រព័ន្ធរំលាយអាហារក៏ត្រូវការពេលសម្រាកផងដែរ។ គន្លឹះដ៏ល្អនៅទីនេះ អ្នកគួររៀបគម្រោងទទួលទានអាហារឲ្យបានច្បាស់លាស់ ហើយរាល់ពេលមុនទទួលទានអាហារម្តងៗ ត្រូវទទួលទានទឹកជាមុនសិន និងទទួលទានអាហារដោយដាក់អារម្មណ៍តាមសម្រួលកុំឲ្យតក់ក្រហល់ពេក។

៤) ងាកចេញពីបណ្ដាញសង្គម៖ ប្រព័ន្ធបណ្ដាញសង្គមមានប្រជាប្រិយភាពខ្លាំងណាស់នាពេលបច្ចុប្បន្ន នេះ។ ការស្រាវជ្រាវបានរកឃើញដែរថាបណ្តាញសង្គមបានធ្វើឲ្យអ្នកលេងមានអារម្មណ៍ស្រស់ស្រាយ តាមរយៈការបង្ហោះរូបភាពប្លែកៗ ការបញ្ចេញមតិយោបល់ទៅវិញទៅមក ចែករំលែក និងសកម្មភាពសប្បាយៗជាច្រើនទៀត។ វានឹងនាំអ្នកទៅកាន់ពិភពលោកមួយដ៏សំបូរបែប ពោលគឺហាក់ធ្វើឲ្យអ្នកមានសកម្មភាពកាន់តែផុសផុលជាងមុន ហើយនោះគឺលទ្ធផលទំនាក់ទំនង និងការងារនេះឯង។ តែផ្ទុយទៅវិញ អ្នកនឹងមានអារម្មណ៍ថា ខួរក្បាលរបស់អ្នកហាក់ត្រូវបានកាត់ផ្តាច់ចេញពីសង្គម ឬរងគ្រោះអ្វីម្យ៉ាងប៉ះពាល់ដល់សតិអារម្មណ៍របស់អ្នក នៅពេលដែលអ្នកងាកចេញពីបណ្ដាញសង្គម។ ទោះបីជាបែបនេះក្តីអ្នកគួរឆ្លៀតពេលប្រើប្រាស់បណ្ដាញសង្គមត្រឹមតែ១០ទៅ២០នាទីនៅម៉ោងសម្រាកការងាររបស់អ្នក ហើយវាក៏មិនខាតពេលច្រើនពេកនោះដែរ បើគ្រាន់តែធ្វើឡើងជាប្រយោជន៍មួយសម្រាប់ការកម្សាន្ត និងបង្កើនទំនាក់ទំនងរបស់អ្នកនោះ។
៥) មិនចេញទៅខាងក្រៅ៖ ការពិតទៅអ្នកមានការងារច្រើនណាស់ដែលត្រូវធ្វើ ហើយនេះមិនអាចធ្វើឲ្យអ្នកមានពេលគ្រប់គ្រាន់ដើម្បីដើរកម្សាន្ត ឬចេញពីកៅអីអង្គុយរបស់អ្នកស្រូបយកខ្យល់ឱកាស និងទិដ្ឋភាពផ្សេងៗនៅក្រៅកន្លែងការងាររបស់អ្នក។ តើនេះជាសុភមង្គលពិតដែរឬទេ? តាមពិតទៅភាពរវល់របស់អ្នកអាចធ្វើឲ្យអ្នករកប្រាក់ចំណូលបានមែន តែហាក់បីដូចខ្វះអ្វីម្យ៉ាងធ្វើឲ្យអារម្មណ៍របស់អ្នកស្រស់ស្រាយ។ ក្រុមអ្នកស្រាវជ្រាវផ្នែកវេជ្ជសាស្ត្រអាមេរិកបានបង្ហាញថា ខួរក្បាលរបស់មនុស្សត្រូវការពន្លឺគ្រប់គ្រាន់ ជាពិសេសនៅពេលព្រឹកដើម្បីពង្រឹងកោសិកាខួរក្បាលឲ្យលូតលាស់បានល្អ និងកាត់បន្ថយស្ត្រេសបានទៀតផង។ ហេតុដូច្នេះ សូមបង្កើតទម្លាប់មួយជាប្រចាំ ដោយចំណាយពេល១០ទៅ២០នាទីស្រូបយកពន្លឺព្រះអាទិត្យ ឬខ្យល់អាកាសខាងក្រៅនៅមុនពេល និងក្រោយពេលសម្រាកពីការងារនឹងធ្វើឲ្យអ្នកមានអារម្មណ៍កាន់តែស្រស់ស្រាយធ្វើការយ៉ាងមានសក្ដានុពល៕ (//Entrepreneur)
អត្ថបទដោយ៖ ឈួន ល័ក្ខ
កែសម្រួលដោយ៖ មត សុមឿន

និទានអប់រំ

May 30, 2018

រឿងនិទាន៖ កំណាញ់ សេចក្តីកំណាញ់ គឺជាសភាវៈអាក្រក់ផ្លូវចិត្ត ដែលជាប់ជំពាក់ក្នុងវត្ថុ ឬរបស់អ្វីម្យ៉ាង ហើយមិនអាចលះបង់បាន ឬមិនសូម្បីចែករំលែកដល់អ្នកដទៃ។ កំណាញ់ មានច្រើនសណ្ឋាន ដូចជា កំណាញ់ស្នាមញញឹម កំណាញ់ភាសានិយាយស្តីល្អ កំណាញ់ក្នុងការសន្ទនា និងកំណាញ់ក្នុងការឲ្យវត្ថុជាដើម។ កាលពីព្រេងនាយ មានគ្រួសារមួយមានគ្នា៣នាក់ (ប្តី ប្រពន្ធ និងកូនប្រុស)។ ជារៀងរាល់ព្រឹក តែងតែមានសមណៈមួយអង្គ (អ្នកបួសក្នុងពុទ្ធសាសនា) និមន្តបិណ្ឌបាតនៅផ្លូវមុខផ្ទះ ហើយតែងតែឈប់នៅមុខផ្ទះ។ ប្តី-ប្រពន្ធនេះតែងតែធ្វើមិនដឹងមិនអើពើឡើយ។ នៅព្រឹក១នោះ ស្រី្តជាប្រពន្ធដោយធុញទ្រាន់នឹងព្រះសង្ឃអង្គហ្នឹងពេក ក៏និយាយទៅកាន់លោកថា «ណែ លោកម៉េចមកឈរសុំនៅតែមុខផ្ទះខ្ញុំអ៊ីចឹង យើងគ្មានអីឲ្យទេទៅចេញទៅ!»។ នៅពេលនោះព្រះថេរៈអង្គនោះក៏ញញឹម ហើយឆ្លើយតបវិញថា «មិនអីទេញោម អរគុណណាស់ អាត្មាបានទទួលពីញោមហើយ»។ ស្រ្តីម្នាក់នេះក៏នឹកឆ្ងល់ក្នុងចិត្តលាយឡំនឹងចិត្តខឹងថាលោកអង្គនេះពោលពាក្យដៀមដាម ក៏និយាយទៅវិញថា «ចុម លោកឯងនិយាយថាម៉េចហ្នឹង? ខ្ញុំគ្មានអីឲ្យផងម៉េចក៏លោកថាបានទទួលអ៊ីចឹង?»។ លោកក៏ឆ្លើយតបថា «អាតា្មបានទទួលការសន្ទនា ពាក្យឆ្លើ...

Search This Blog

Mut Somoeun (Mongkol)