ទាល់តែមានគ្រូ ឬសាលា ទើបរៀនកើតមែន?
ទាល់តែមានគ្រូ ឬសាលា ទើបរៀនកើតមែន?
ការសិក្សាគ្មានទីបញ្ចប់ឡើយ ពោលគឺមិនថានៅទីកន្លែងណា ពេលណា ឬរៀនដល់កម្រិតណានោះទេ ឲ្យតែអ្នកមានបំណងចង់សិក្សាអ្នកអាចធ្វើបានរហូតទីបំផុតនៃជីវិត (lifelong learning)។ មានមនុស្សមួយចំនួនគិតថាការសិក្សាទាល់តែមានគ្រូមានសាលា ទើបអាចរៀនកើត ប៉ុន្តែតាមការពិតការកសាងចំណេះដឹងដ៏សំបូរបែបទៅបានលុះត្រាតែបុគ្គលស្រឡាញ់ស្វ័យសិក្សា (ការរៀនដោយខ្លួនឯង)។ ខាងក្រោមនេះគឺជាគន្លឹះស្វ័យសិក្សាដ៏មានប្រសិទ្ធភាព ដែលអ្នកអាចរៀនដោយខ្លួនឯងបានដោយមិនចាំបាច់មានគ្រូ ឬសាលាឡើយ។១)ការអាន៖ គ្មានចំណេះដឹងណាមួយបានមកដោយគ្មានការអានឡើយ។ ការអង្គុយរៀនក្នុងថ្នាក់រៀនគ្រាន់តែជាជំនួយបន្ទាន់ ឬជួយសម្របសម្រួលតម្រង់ទិសតែប៉ុណ្ណោះ។ បុគ្គលដែលក្លាយទៅជាអ្នកចេះដឹងជាច្រើន គឺជាអ្នកស្រលាញ់ការអាន។
២)ដើរតាមគន្លងអ្នកជោគជ័យ៖ ភាគច្រើននៃអ្នកដែលស្រឡាញ់ការសិក្សា គឺជាអ្នកដែលមានចំណូលចិត្តយកគម្រូតាម ឬសេពគប់បុគ្គលជោគជ័យ និងមានទំនាក់ទំនងល្អជាមួយមិត្តភ័ក្តល្អៗ។ ការបានស្តាប់គំនិតយោបល់ ឬបទពិសោធន៍ល្អពីដៃគូប្រឹក្សាល្អ ឬបុគ្គលជោគជ័យ នឹងធ្វើឲ្យអ្នកដើរលើផ្លូវត្រូវ និងមានកម្លាំងចិត្តដើរទៅមុខ ពិសេសគឺទទួលបានយោបល់ល្អៗ។
៤) អាន Wikipedia និង ស្រាវជ្រាវឯកសារតាម Google (អុិនធឺណិត)៖ បច្ចុប្បន្ន ដោយសារបច្ចេកបវិទ្យាសំបូរបែប ការសិក្សាស្រាវជ្រាវដោយខ្លួនឯង ក៏កាន់តែងាយស្រួល។ អ្នកអាចចំណាយពេលរៀននៅទីណា ឬពេលណាក៏បានតាមរយៈប្រភពចំណេះដឹងលើប្រព័ន្ធអុិនធឺណិត (Wikipedia និង Google) ដែលនេះគឺជាជម្រើសដ៏ល្អមួយនៅក្នុងសម័យបច្ចេកវិទ្យានេះ។ តាមប្រភពនេះ អ្នកអាចទាញទុកអានពេលក្រោយ (download) ឬអាចចូលទៅស្រាវជ្រាវបានភ្លាមៗតាមតម្រូវការ។
៥) ទស្សនាកម្មវិធីទូរទស្សន៍ដែលផ្ដល់ចំណេះដឹង៖ ការទស្សនាទូរទស្សន៍មិនត្រឹមតែដើម្បីកំសាន្តតែម្យ៉ាងនោះទេ ប៉ុន្តែអ្នកក៏អាចរៀនសូត្រ ឬយល់ដឹងពីចំណេះដឹងថ្មីៗផងដែរ។ ប្រការដែលសំខាន់គឺត្រូវកំណត់មើលប៉ុស្តិ៍ណា ឬកម្មវិធីណាដែលផ្តល់ទាំងការកំសាន្ត និងចំណេះដឹង។
៦) សិក្សាវគ្គខ្លីៗលើបណ្ដាញអ៊ីនធឺណិត៖ សកលវិទ្យាល័យល្បីៗជាច្រើនលើពិភពលោកដែលសាស្ត្រាចារ្យតែងតែផ្សព្វផ្សាយ និងចែករំលែកចំណេះដឹងល្អៗ ប្លែកថ្មីៗ ហើយខ្លីៗ ដែលងាយស្រួលដល់ការសិក្សា ជាពិសេសបើអ្នកមិនសូវយល់ អ្នកអាចទស្សនាខ្សែវីដេអូពន្យល់បាន។
អត្ថបទដោយ៖ មត សុមឿន
Comments
Post a Comment