អាថ៌កំបាំងនៃការសិក្សាដ៏មានប្រសិទ្ធភាព
អាថ៌កំបាំងនៃការសិក្សាដ៏មានប្រសិទ្ធភាព
វិធីសាស្ត្រក្នុងការរៀនមានច្រើនខុសៗគ្នាតាមការនិយមចូលចិត្តរបស់បុគ្គលម្នាក់ៗ យ៉ាងណាក៏ដោយ អ្នកគប្បីយល់ដឹងពីគន្លឹះសំខាន់ខ្លះៗដើម្បីអភិវឌ្ឍការសិក្សាឲ្យទទួលបានផ្លែផ្កាគួរជាទីគាប់ចិត្ត។ តើលោកអ្នកមានវិធីរៀនបែបណាខ្លះ? តើវាមានប្រសិទ្ធភាពទេ? ខាងក្រោមនេះសូមណែនាំនូវគន្លឹះមួយចំនួនដើម្បីជួយឲ្យការសិក្សាមានប្រសិទ្ធភាព៖
២. នៅពេលអានគួរប្រមូលយកឯកសារមេរៀនទាំងប៉ុន្មានមកដាក់នៅមុខលោកអ្នក ដូចជា ឯកសារមេរៀន សៀវភៅសិក្សា ឯកសារណែនាំការសិក្សា និងឯកសារពាក់ព័ន្ធនានា។
៣.ចូរស្វែងរកកន្លែងមានផាសុកភាព និងស្ងប់ស្ងាត់ដើម្បីរៀនដោយមានពន្លឺគ្រប់គ្រាន់ និងមិនសូវមានការរំខាន។ ចូរចៀសវាងការផ្អែក ឬសណ្តិលលើគ្រែគេង ព្រោះវាធ្វើឲ្យអ្នកឆាប់ងងុយគេង។
៤.ចូរចាប់ផ្តើមសិក្សានូវគន្លឹះនៃខ្លឹមសារមេរៀនសំខាន់ៗដោយយកចិត្តទុកដាក់។ ៥. ចូរសិក្សានូវគំនិតទូទៅជាមុនសិន បន្ទាប់មកសិក្សានូវខ្លឹមសារទាំងមូល រហូតដល់អ្នកយល់នូវចំណុចសំខាន់នៅក្នុងមេរៀន។
៦. ចូរកត់ចំណាំ និងសរសេរចុះនូវសេចក្តីសង្ខេបនៃគំនិតសំខាន់ ខណៈដែលអ្នកអានឯកសារមេរៀនរបស់លោកអ្នក។
៨. ចូរបង្កើនការសិក្សាបន្ថែមបន្តិចម្តងៗជារៀងរាល់ថ្ងៃ កុំចាំរៀនសម្រុកនូវនាទីចុងក្រោយឡើយ។ ការសិក្សារាល់ថ្ងៃចងចាំបានយូរអង្វែង ឯការប្រឹងរៀនមួយភ្លែតងាយនឹងភ្លេចទៅវិញ។
៩.ចូរអ្នកប្រាកដក្នុងចិត្តថាអ្នកយល់ច្បាស់ពីខ្លឹមសារមេរៀន ហើយកុំព្យាយាមទន្ទេញគ្រប់ចំណុចនោះ។
១១.ការស្តាប់តន្ត្រីកំសាន្តដូចជា តន្ត្រីបុរាណ ឬតន្ត្រីហ្សាស ដោយសម្លេងតិចៗ ក៏អាចជួយកាត់បន្ថយនូវភាពធុញទ្រាន់ក្នុងការសិក្សាបានខ្លះៗដែរ។
១២.ចូរកុំសិក្សាឲ្យហួសម៉ោងដែលអ្នកតែងចូលគេងអី ព្រោះវាអាចប៉ះពាល់ដល់សុខភាព។ គួរសិក្សាក្នុងពេលរសៀល ឬពីក្បាលព្រលប់ បើអ្នកទម្លាប់ងើបពីគេងពីព្រលឹម គួរសិក្សានៅពេលព្រឹកព្រលឹម៕
ប្រែសម្រួលដោយ៖ មត សុមឿន
(ប្រភពពី៖ testtaking.com)
Comments
Post a Comment