ទាយចរិតមនុស្សស្រីតាមរយៈការពាក់ចិញ្ចៀន

ពាក្យចាស់លោកពោលថា «ស្គាល់មនុស្សមិនស្គាល់ចរិត ប៉ុន្តែគេអាចស្គាល់ចរិតមនុស្សបានតាមរយៈពាក្យសម្តី និងកាយវិការ ឬការនិយមប្រើប្រាស់នូវវត្ថុសម្ភារៈផ្សេងៗ»។ ក៏ដូចគ្នានេះដែរ គេអាចទស្សន៍ទាយចរិតមនុស្ស ស្រីបានខ្លះៗបើទោះបីមិនបាន១០០% តាមរយៈការនិយមពាក់ចិញ្ចៀននៅលើម្រាមដៃរបស់នាង។ តើការទស្សន៍ទាយបែបនេះអាចបង្ហាញអំពីចរិតនិស្ស័យពិតរបស់ស្រ្តីបានដែរទេ? ចុះលោកអ្នកវិញជឿ ឬអត់ចំពោះបញ្ហានេះ? ចូរសាកល្បងរៀនសង្កេតមើលដោយខ្លួនឯងនូវចំណុចទស្សន៍ទាយដូចខាងក្រោម៖

១. ស្រ្តីដែលនិយមចូលចិត្តពាក់ចិញ្ចៀននៅលើម្រាមមេដៃ៖ នាងគឺជានារីមានចរិតក្រអឺតក្រទម មានជំនឿលើខ្លួនឯងខ្លាំងណាស់ ចូលចិត្តរបស់ប្លែកថ្មីៗ ហើយមិនខ្វល់ពីមនុស្សនៅជុំវិញខ្លួនឡើយ។

២. ស្រ្តីដែលនិយមចូលចិត្តពាក់ចិញ្ចៀននៅលើម្រាមដៃចង្អុល៖ នាងគឺជានារីដែលចូលចិត្តភាពកាលីប ថ្លៃថ្នូរ មើលទៅអនាគតជានិច្ច មានមន្តស្នេហ៍ ហើយចូលចិត្តសាកល្បងផ្សងព្រេង។

៣. ស្រ្តីដែលចូលចិត្តពាក់ចិញ្ចៀននៅលើម្រាមដៃកណ្តាល៖ នារីបែបនេះគឺជាមនុស្សដែលមានសុទិដ្ឋិនិយម មាននិស្ស័យលេងសើច ហើយក៏ចូលចិត្តសម្ងំលាក់ខ្លួនពួនអាត្មាណាស់ដែរ។

៤. ស្រ្តីដែលចូលចិត្តពាក់ចិញ្ចៀននៅលើម្រាមដៃនាង៖ នាងគឺជាមនុស្សស្រីដែលចូលចិត្តធ្វើអ្វីតាមទំនើងចិត្តខ្លួនឯង ចចេសរឹងរូស ឆេវឆាវមិនស្តាប់គេឯង ទន់ជ្រាយម្តងម្កាល ឆាប់រំជើបរំជួលចិត្ត ហើយចូលចិត្តនិយាយច្រើន។

៥. ស្រ្តីដែលចូលចិត្តពាក់ចិញ្ចៀននៅលើកូនដៃ៖ នាងគឺជានារីដែលនិយមភាពសាមញ្ញ មិនប្រកាន់ខ្លួន មានភាពរ៉ូមែនទិច មានស្នេហាស្មោះស្ម័គ្រមួយនឹងមួយ សម្របខ្លួនចូលជាមួយមនុស្សផងទាំងពួងបានលឿន ហើយជាមនុស្សដែលមានអ្នកផងចូលចិត្តស្រឡាញ់រាប់អានច្រើន៕ (ប្រភព៖ World Life Magazine, 2004)
ប្រែសម្រួលដោយ៖ មត សុមឿន

Search This Blog

Mut Somoeun (Mongkol)