គោលការណ៍ក្នុងការទំនាក់ទំនងល្អជាមួយកូនៗ
គោលការណ៍ក្នុងការទំនាក់ទំនងល្អជាមួយកូនៗ
ការចិញ្ចឹមបីបាច់កូនត្រឹមឲ្យមានការលូតលាស់ខាងរាងកាយ វាមិនសូវជាពិបាកណាស់ណាទេ ប៉ុន្តែការអប់រំបណ្តុះចិត្តគំនិតកូនៗដើម្បីឲ្យក្លាយជាមនុស្សល្អ និងមានទំនួលខុសត្រូវក្នុងសង្គមគឺជារឿងមិនងាយស្រួលឡើយ។ ប្រការនេះទាមទារឲ្យឪពុកម្តាយគ្រប់រូបមានការយល់ដឹងឲ្យបានល្អអំពីថាតើគួរធើ្វបែបណាទើបចិញ្ចឹមកូនបានប្រកបដោយគន្លងធម៌។ យោងតាមបណ្ឌិត ហេមជីណត បានលើកឡើងជាគោលការណ៍ក្នុងការទំនាក់ទំនង និងចិញ្ចឹមអប់រំកូនឲ្យបានល្អប្រកបដោយប្រសិទ្ធភាព គួរអនុវត្តដូចខាងក្រោម៖
៥. ពោលសរសើរកូន៖ ឪពុកម្តាយគួរចេះនិយាយសរសើរកូន ដោយប្រាប់កូនថាអ្នកកោតសរសើរអ្វីមួយចំពោះកូន ឬចំពោះការព្យាយាមរបស់គេ ពោលគឺចូរនិយាយឲ្យចំអ្វីដែលគេបានធ្វើឲ្យបានច្បាស់លាស់ តែកុំនិយាយដោយលក្ខណៈមើលគេក្នុងន័យមិនឲ្យតម្លៃ ឬបញ្ឆិតបញ្ឆៀង។
៦. ចូរកុំទម្លាប់និយាយពាក្យ«មិន…»៖ ឪពុកម្តាយគួរចៀសវាងពាក្យនិយាយដោយវិធីមិនធ្វើបាបផ្លូវចិត្តកូន ពោលគឺព្រមឲ្យកូនបាននឹកស្រមៃនូវអ្វីដែលយើងមិនព្រម។ ឧទា៖ បើកូនចង់បានកង់ ឬម៉ូតូថ្មីណាមួយ ឪពុកម្តាយមិនគួរឆ្លើយដាច់អហង្កាថាមិនបានទេ តែគួរនិយាយថា បើកូនចង់បានឥឡូវនេះមិនទាន់បានទេ ព្រោះមិនទាន់មានលុយគ្រប់ ចាំពេលក្រោយចុះណាកូន។
៧. ផ្តល់សិទ្ធិឲ្យកូនមានជម្រើស៖ ឪពុកម្តាយគ្រប់រូបគួរបើកឱកាសកូនមានផ្លូវជ្រើសរើស ឬបានសម្រេចចិត្តតាមគំនិត ឬឆន្ទៈរបស់ខ្លួនខ្លះផង ដើម្បីអនាគតនៃជីវិតរបស់គេ។ ចូរចាំថា «គ្មានការចាប់បង្ខំឲ្យធ្វើការសម្រេចចិត្តណាមួយទទួលបានផលល្អនោះទេ ម្យ៉ាងទៀតត្រូវគិតថាកូនរបស់ខ្លួនកាន់តែធំហើយ ដូច្នេះគេគួរមានសិទ្ធិរៀនសម្រេចចិត្តដោយខ្លួនឯងខ្លះ»៕ (ប្រភព៖ សៀវភៅ វិធីសាស្រ្តល្អៗនិយាយជាមួយកូន)
អត្ថបទដោយ៖ មត សុមឿន
Comments
Post a Comment