តើមនុស្សត្រូវមានសីលធម៌ដូចម្តេចខ្លះ?
តើមនុស្សត្រូវមានសីលធម៌ដូចម្តេចខ្លះ?
ការរស់នៅក្នុងសង្គមរបស់មនុស្សត្រូវមានការទំនាក់ទំនងគ្នាទៅវិញទៅមកប្រយោជន៍ដើម្បីស្វែងរកសុខចម្រើន។ ការទំនាក់ទំនងគ្នានោះ គឺពិតជាមានក្រិត្យក្រមមួយសម្រាប់តម្រង់ទិសឲ្យមនុស្សគ្រប់គ្នាដើរតាមឆ្ពោះទៅរកគោលដៅរបស់ខ្លួន។ ទំនៀមទម្លាប់ ប្រពៃណី សាសនា ក៏ជាបង្អែកមួយក្នុងការបង្ហាញឲ្យមនុស្សដើរឈានទៅរកភាពជោគជ័យនៃជីវិត ដែលខ្លួនចង់បានគ្រប់គ្នា។ ការសម្រេចនូវបំណងប្រាថ្នារបស់មនុស្សទៀតសោត មនុស្សគ្រប់គ្នាចាំបាច់ត្រូវមានក្រមសីលធម៌ ដែលជាបន្ទាត់អមដំណើរនៃសកម្មភាពផ្សេងៗរបស់មនុស្សឲ្យឈានទៅរកការរស់នៅឲ្យបានល្អប្រសើរនោះបាន។ នៅក្នុងសៀវភៅអត្ថាធិប្បាយទស្សនវិជ្ជារបស់លោក សរ សារុន បានរៀបរាប់ថាមនុស្សគ្រប់រូបត្រូវប្រកាន់ខ្ជាប់នូវសីលធម៌ដូចខាងក្រោម៖
២. សីលធម៌ក្នុងគ្រួសារ៖ មនុស្សគ្រប់គ្នាត្រូវបំពេញកាតព្វកិច្ចរបស់ខ្លួន ឳពុកម្តាយចិញ្ចឹមកូន ដោយពុំនឹកគិតដល់ការសងគុណតបមកវិញ ព្រោះការចិញ្ចឹមកូននេះ គឺជាកាតព្វកិច្ច ជាមុខងាររបស់ខ្លួន មិនត្រឹមតែប៉ុណ្ណោះ ឳពុកម្តាយត្រូវថែទាំកូនឲ្យមានភាពសុខដុមរមនា អប់រំកូនដើម្បីឲ្យក្លាយទៅជាមនុស្សល្អ ពលរដ្ឋល្អជាដើម។
៣. សីលធម៌ក្នុងវិជ្ជាជីវ៖ ការងារផ្សេងៗមិនច្របូកច្របល់ មិនរំលោភបំពាន ប៉ះពាល់ដល់អ្នកដទៃ មនសិការការងារ រកស៊ី ឬប្រកបរបរចិញ្ចឹមជីវិតតាមសមត្ថភាព តាមសម្មាជីវោ មិនធ្វើការហួសកម្លាំងខ្លួន ដែលនាំឲ្យមានជំងឺឥតប្រយោជន៍ជាដើម ទាំងអស់នេះពិតជាសីលធម៌របស់មនុស្ស ដែលគួរយកទៅអនុវត្តក្នុងការងារផ្សេងៗ ដែលបម្រើផលប្រយោជន៍ដល់មនុស្សពិតៗ។
៥. សីលធម៌ក្នុងពិភពលោក៖ ការមិនរំលោភបំពាន ឈ្លានពាន បូរណភាពដែនដីដល់ប្រទេសដទៃ ការរួមរស់ដោយសន្តិភាពជាមួយគ្នារវាងប្រទេសដទៃ។
៦. សីលធម៌តាមទស្សនៈរបស់អ្នកប្រាជ្ញផ្សេងៗ៖ លោកអ្នកប្រាជ្ញជាច្រើននៅក្នុងពិភពលោក បានបង្កើតទ្រឹស្តីចងក្រងទុក ដើម្បីបម្រើផលប្រយោជន៍ដល់សេចក្តីត្រូវការរបស់មនុស្សក្នុងនោះមានៈ ខុងជឺ ប្លាតុង អារីស្តូតជាដើម និងសីលធម៌របស់សាសនា ដូចជា ព្រះពុទ្ធសាសនា ឥស្លាមសាសនា គ្រឹស្តសាសនា ព្រហ្មញ្ញសាសនាជាដើម។
ជារួមមក សីលធម៌ទាំងអស់ដូចរៀបរាប់ខាងលើ គឺពិតជាមានតម្លៃ ដែលអាចធ្វើឲ្យជីវិតរបស់អ្នកប្រព្រឹត្តតាមឈានទៅរកសេចក្តីថ្លៃថ្នូរ និងល្អប្រសើរបាន។ ក្នុងសង្គមមួយបើមានសីលធម៌ល្អ ការអប់រំប្រជាពលរដ្ឋក៏ប្រពៃ ការអប់រំឲ្យមនុស្សមានសីលធម៌ល្អ សង្គមទាំងមូលនឹងទទួលបានសុខ ហើយចាត់ទុកថាជាសង្គមមានអរិយធម៌ល្អខ្ពង់ខ្ពស់ថែមទៀត៕
Comments
Post a Comment