គន្លឹះក្នុងការអប់រំកុមារតូចៗ
គន្លឹះក្នុងការអប់រំកុមារតូចៗ
ឪពុកម្តាយគ្រប់រូបតែងតែប្រាថ្នាចង់ឲ្យកូនរបស់ខ្លួនឆ្លាតវៃ តែបំណងប្រាថ្នាគ្រប់យ៉ាងមិនមែនចេះតែបានសម្រេចនោះទេ។ ទាក់ទងនឹងការអប់រំកុមារតូចៗនេះ គេហទំព័រ brainy-child.com ចេញផ្សាយដោយសាលាឯកជនមួយរបស់ប្រទេសជប៉ុននៅទីក្រុង តូក្យូ បានផ្តល់នូវគន្លឹះមួយចំនួនដើម្បីជួយឲ្យកុមារតូចៗឆ្លាតដូចខាងក្រោម៖
ខ. ដាក់វត្ថុឲ្យរៀនរាប់ (numbering) គឺបង្រៀនក្មេងតូចដើម្បីឲ្យគេរៀនចំណាំ ដោយប្រៀបធៀបម្រាមដៃ ជើង តុក្កតា ឬវត្ថុផ្សេងៗ។
គ. បង្រៀនកូនរបស់លោកអ្នកឲ្យដឹងពីទំហំ ដោយឲ្យគេប្រើខ្មៅដៃគូររូបភាពតាមទំហំផ្សេងៗ ឬក៏ប្រើបន្ទាត់ជំនួយគូរប្រអប់ជារាងបែបណាមួយ រួចបង្ហាញគេឲ្យមើលទំហំដែលខុសៗគ្នានោះ។
ង. បង្រៀនកូនតូចៗឲ្យដឹងពីលំហ និងកន្លែងដោយប្រើប្រអប់ធំៗល្មម ដាក់នៅទីណាមួយរួចបង្ហាញពន្យល់គេឲ្យរៀនចំណាំនូវចំណុចទាំងនោះ។
៣. អភិវឌ្ឍសមត្ថភាពចងចាំរបស់កូនតូចរបស់លោកអ្នក៖ សមត្ថភាពខួរក្បាលក្មេងឆាប់ចាប់បានណាស់តាមរយៈពាក្យចួនរណ្តំណែងណង ពាក្យកាព្យឃ្លាឃ្លោងខ្លីៗ និងចម្រៀង។ ពាក្យណែងណងពីរោះរណ្តំមិនត្រឹមតែធ្វើឲ្យគេរីករាយប៉ុណ្ណោះទេ ប៉ុន្តែថែមទាំងធ្វើឲ្យគេរីកចម្រើនបញ្ញារហ័សរហួន វៀងវៃឆ្លៀវឆ្លាស់ទៀតផង។ ចូរឲ្យគេរៀនថាតាមពាក្យពេចន៍ពីរោះចួនរណ្តំទាំងនោះ រួចទុកចន្លោះពាក្យ ឃ្លា ឬល្បះ ប្រយោគដើម្បីឲ្យគេនិយាយបំពេញ។
៤. ជម្រុញកូនតូចរបស់លោកអ្នកឲ្យរៀនពាក្យថ្មី និងអនុវត្ត៖ លោកអ្នកគប្បីបង្រៀនកូនតូចដោយការនិយាយ ឬនិទានរឿងឲ្យស្តាប់ អានឲ្យស្តាប់ ឬក៏បង្ហាញរូបភាព បន្ទាប់មកគួរនាំគេទៅឲ្យមើលនូវអ្វីដែលបានបង្រៀននោះ។ នៅពេលនាំកូនទៅអនុវត្ត គប្បីឲ្យគេប្រាប់ ឬបង្ហាញលោកអ្នក រួចកែកំហុសរបស់គេដោយពាក្យទន់ភ្លន់ និងស្រឡាញ់៕
អត្ថបទដោយ៖ មត សុមឿន
Comments
Post a Comment